Saturday, April 30, 2016

Buddhism Against Discrimination



ബുദ്ധ ധമ്മം വിവേചനങ്ങളെ
ദുസ്സഹമായി കണക്കാക്കുന്നു
=========================


ദുഷ്കര്‍മ്മങ്ങളും , ദുഷ്ചിന്തകളും മനസ്സില്‍ നിന്നും നീക്കി സദ്‌കര്‍മ്മങ്ങള്‍ ആചരിച്ചാലേ ദുഃഖത്തില്‍ നിന്നും മോചനം നേടാന്‍ കഴിയു എന്ന് ഭഗവാന്‍ ബുദ്ധന്‍ നമ്മെ ഉപദേശിക്കുന്നു.ജീവിതത്തില്‍ സന്തോഷവും സമാധാനവും നേടാന്‍ മറ്റു കുറുക്കുവഴികള്‍ ഒന്നുംതന്നെ ബുദ്ധധമ്മത്തില്‍ ഇല്ല.
നിത്യ ജീവിതത്തില്‍ നാം പാലിക്കേണ്ടുന്ന പഞ്ചശീലങ്ങളെകുറിച്ച് ഭഗവാന്‍ ബുദ്ധന്‍ നമ്മെ ഉപദേശിച്ചിട്ടുണ്ട്.
പഞ്ചശീലങ്ങളും
അതിന്‍റെ ഫലങ്ങളും
-------------------------------

പഞ്ച ശീലങ്ങള്‍ ആചരിച്ചാലുള്ള നന്മകള്‍ എന്തെന്ന് നോക്കാം.
1.കൊല്ലരുത്- കരുണ കാണിക്കുക
2.മോഷ്ടിക്കരുത്- ദാനം ശീലിക്കുക
3.നുണ പറയരുത്- സത്യം വേണ്ടിടത്ത് വേണ്ടസമയത്ത് മാത്രം പറയുക
4.ലഹരിക്ക്‌ അടിമയാകരുത്- ബോധത്തോടെ ജീവിക്കുക.
5.വ്യഭിചരിക്കരുത്- തൃപ്തിയും കരുണയും വികസിപ്പിക്കുക

1.പാണാതിപാദ വെറമണി സിഖാപദം സമാധിയാമി
(ജീവികളെ കൊല്ലുന്നതില്‍ നിന്നും ഞാന്‍ മാറി നില്‍ക്കുന്നതാണ്)

2.അദിന്നദാന വേറമണി സിഖാപദം സമാധിയാമി.
( അര്‍ഹതയില്ലാത്തത് എടുക്കുന്നതില്‍ നിന്നും ഞാന്‍ മാറി നില്‍ക്കുന്നതാണ്)

 എന്നീ തത്ത്വങ്ങള്‍ ജീവിതത്തില്‍ പകര്‍ത്തുന്നതോടെ നമ്മുടെ ജീവിതത്തെയും സമ്പത്തിനെയും ഭദ്രമാക്കി തീര്‍ക്കുന്നു.പരിഷ്കൃത ജീവിതത്തിന്‍റെ ലക്ഷണമായി ആധുനിക ലോകം പോലും കരുതുന്ന ജീവിത രക്ഷയും,സാമ്പത്തിക ഭദ്രതയും അങ്ങിനെ ലോകം മുഴുവന്‍ വ്യാപിക്കും.


എന്നാല്‍ നിലവില്‍ സമൂഹത്തില്‍ നടക്കുന്നത് എന്താണ്?
എല്ലാവര്‍ക്കും മനുഷ്യ ജീവിതം
സുരക്ഷിതമായിരിക്കണമെന്ന ചിന്ത മാത്രമേ ഉള്ളു.

എല്ലാവര്‍ക്കും മനുഷ്യജീവിതം സുരക്ഷിതമായിരിക്കണമെന്ന ചിന്ത മാത്രമേ ഉള്ളു.മറ്റു ജീവികളെ നിഷ്കരുണം കൊന്നു തീര്‍ക്കുന്നതിലും, പ്രകൃതിയെ തന്നെ നശിപ്പിക്കുന്നതിലും ആരും കാര്യമായ ദോഷം കാണുന്നില്ല. ബുദ്ധ ധമ്മം  ഈ വിവേചനത്തെ ദുസ്സഹമായി കണക്കാക്കുന്നു.അഹിംസയും, സ്നേഹാനുകമ്പയും ലോകം മുഴുവന്‍ വ്യാപിപ്പിച്ച് മനുഷ്യര്‍ ഉള്‍പടെയുള്ള എല്ലാ പ്രാണികളുടെയും ക്ഷേമങ്ങള്‍ ബുദ്ധധമ്മം ലക്‌ഷ്യം വെക്കുന്നു.
വേദങ്ങളുടെ കാലഘട്ടത്തില്‍ ജന്തു ഹിംസ വ്യാപകമായിരുന്നു.യാഗങ്ങളിലും യജ്ഞങ്ങളിലും ഇത് പ്രധാന ചടങ്ങായിരുന്നു.ആ കാലഘട്ടത്തില്‍ കാരുണ്യം നിറഞ്ഞ മനസ്സുമായി എല്ലാ പ്രാണികളുടെയും രഷക്കെത്തിയ ബുദ്ധധമ്മം ലോകം ഇന്നേവരെ ദര്‍ശിച്ചിട്ടില്ലാത്ത അനുകമ്പയുടെ വാതായനം വെട്ടിത്തുറന്നതില്‍ അത്ഭുതപെടാനില്ല.
മഴക്കാലത്ത് ദേശങ്ങള്‍തോറും ചുറ്റികറങ്ങുന്നതുപോലും ഭിക്ഷുവിനെ വിലക്കിയിരുന്നു
മഴക്കാലത്ത് ദേശങ്ങള്‍തോറും ചുറ്റികറങ്ങുന്നതുപോലും ബുദ്ധഭിക്ഷുവിനെ വിലക്കിയിരുന്നു.കാരണം അപ്പോള്‍ കുരുത്തുതഴക്കുന്ന ചെറുപുല്ലുകള്‍ക്ക് ഭിക്ഷുവിന്‍റെ ചവിട്ടേറ്റ് ക്ഷതം സംഭവിച്ചേക്കാം.മാത്രമല്ല അവക്കിടയില്‍ പോലും ജീവിക്കുന്ന ചെറുപ്രാണികള്‍ക്കു അപായം നേരിട്ടേക്കാം എന്ന ചിന്തയാണ് ഭിക്ഷുവിനെ ജാഗരൂഗരാക്കാന്‍ ബുദ്ധധമ്മം പ്രേരിപ്പിച്ചത്.
അര്‍ഹതയില്ലാത്തത് എടുക്കുന്നതിനെ സംബന്ധിച്ച്
അര്‍ഹതയില്ലാത്തത് എടുക്കുന്നതിനെ സംബന്ധിച്ചാണെങ്കില്‍ അന്യരുടെ അവകാശങ്ങള്‍ തടസ്സപെടുത്തുക,സ്വന്തം പ്രവര്‍ത്തികളില്‍ വീഴ്ചവരുത്തി മറ്റുള്ളവര്‍ക്ക് നഷ്ടത്തിനിടവരുത്തുക, ചുമതലകള്‍ മറക്കുക, പൊതു സ്വത്തുക്കള്‍ കവരുക തുടങ്ങിയവയെല്ലാം മോക്ഷണത്തില്‍പെടുന്നവ തന്നെയെന്ന് ബുദ്ധധമ്മം പറയുന്നു.
ഹരിദാസ് ബോധ്
keralamahabodhi@gmail.com

BUDDHA POORNNIMA MAY 21 st 2016 in KERALA



മെയ്‌ 21 നു കേരളമെങ്ങും
ബുദ്ധ പൂര്‍ണ്ണിമ ആഘോഷം
--------------------------------------------------------------------------------------


ഇത്തവണത്തെ ബുദ്ധ പൂര്‍ണ്ണിമ ദിനം (മെയ്‌ 21 ന്) കേരളമെമ്പാടുമുള്ള ബുദ്ധിസ്റ്റുകള്‍ ആഘോഷിക്കുന്നു.
മഹാനായ ഭഗവാന്‍ ബുദ്ധന്‍റെ ജനനം, ബോധോദയം, നിര്‍വ്വാണം എന്നിവ ഒന്നിച്ചുവരുന്ന ദിവസമാണ് മെയ്‌ മാസത്തിലെ പൌര്‍ണമി.ലോകമെമ്പാടുമുള്ള ബുദ്ധമത വിശ്വാസികള്‍ ഈ ദിനത്തെ പവിത്രമായാണ് കാണുന്നത്.
തിരുവനന്തപുരം മുതല്‍ കാസര്‍ഗോഡ്‌ വരെയുള്ള എല്ലാ ജില്ലകളിലെയും വിവിധ ബുദ്ധ സംഘങ്ങള്‍ വിവിധ ആഘോഷപരിപാടികള്‍ സംഘടിപ്പിച്ചിട്ടുണ്ട്. ബുദ്ധമത പ്രാര്‍ഥനകള്‍, വിപസന ,ആനാപ് അപാന സതി, മൈത്രീ-സ്നേഹം തുടങ്ങിയ ബുദ്ധിസ്റ്റ് ധ്യാനങ്ങള്‍,  അഷ്ടാംഗമാര്‍ഗ്ഗങ്ങള്‍, പഞ്ചശീലങ്ങള്‍ എന്നിവയെ കുറിച്ചുള്ള ചര്‍ച്ചകള്‍, സെമിനാറുകള്‍ എന്നിവയെല്ലാം കേരളത്തിന്‍റെ വിവിധ ജില്ലകളില്‍ നടക്കും. തിരുവനന്തപുരത്ത് തോന്നക്കലില്‍ മൂന്നു ദിവസം നീണ്ടു നില്‍ക്കുന്ന ഉത്സവ പരിപാടികളാണ് നടക്കുന്നത്.
തിരുവനന്തപുരം
ബുദ്ധ ക്ഷേത്ര സംഗീതി, തോന്നക്കല്‍
-----------------------------------------------------
ബുദ്ധ പൂര്‍ണ്ണിമ ഒരു ഉത്സവമായാണ് തോന്നക്കല്‍ ബുദ്ധഭൂമിയില്‍ നടത്തുന്നത്.ബുദ്ധ ക്ഷേത്ര സംഗീതിയുടെ നേതൃത്വത്തില്‍ നടക്കുന്ന ഈ ഉത്സവപരിപാടികള്‍ മെയ്‌ 19,20, 21 തിയതികളിലായാണ് സംഘടിപ്പിച്ചിട്ടുള്ളത്. വിവിധ ആഘോഷപരിപാടികളും സേവനപ്രവര്‍ത്തനങ്ങളും നടക്കും.മെഡിക്കല്‍ ക്യാമ്പ്, തൊഴില്‍ പരിശീലനം, പിറന്നാള്‍ സദ്യ, സാംസ്കാരിക സമ്മേളനം, വിശിഷ്ട വ്യക്തികളെ ആദരിക്കല്‍ ,കലാപരിപാടികള്‍, എന്നിവയും ഉണ്ടാകും. ബുദ്ധഭൂമി തീര്‍ഥാടനം നടക്കും.

  
ത്രിരത്ന ബൌദ്ധ മഹാസംഘത്തിന്‍റെ
പരിപാടികള്‍
----------------------------------------------------

മൈനാഗപള്ളി, വര്‍ക്കല,
ആലപ്പുഴ, വയലാര്‍,മാവേലിക്കര, എറണാകുളം
=====================================================

തൃരത്ന ബൌദ്ധമഹാ സംഘത്തിന്‍റെ നേതൃത്വത്തില്‍ മൈനാഗപള്ളിയില്‍ ആഘോഷം സംഘടിപ്പിച്ചിട്ടുണ്ട്. വര്‍ക്കലയില്‍  കല്ലമ്പലത്ത്‌ ബുദ്ധ പ്രതിമയുടെ അനാച്ഛാദനം അന്ന് കാലത്ത് നടക്കും.ചേര്‍ത്തലയിലെ വയലാറിലും വൈകിട്ട് ധ്യാനം , ധമ്മ പ്രഭാഷണം എന്നിവ സംഘടിപ്പിച്ചിട്ടുണ്ട്.മാവേലിക്കരയിലെ ലോകുത്തരയുടെ നേതൃത്വത്തില്‍ കല്ലുമാല റെയില്‍വേ സ്റ്റേഷന്‍ റോഡിലെ ബോയ്സ് ഹോസ്റ്റലില്‍ ആഘോഷം നടക്കും.ചെറായി ബീച്ചിലെ ഡോഅംബേദ്‌കര്‍ ഹാളില്‍ ആഘോഷം സംഘടിപ്പിച്ചിട്ടുണ്ട്.

പ്രബുദ്ധ ഭാരത്‌ സംഘത്തിന്‍റെ ആഘോഷം
-----------------------------------------------------------
തിരുവനന്തപുരം, കൊല്ലം അടൂര്‍,
 പാരിപ്പള്ളി,ആറ്റിങ്ങല്‍, മാവേലിക്കര, ആലപ്പുഴ- ചെറായി, കാസര്‍ഗോഡ്‌
=======================================================

പ്രബുദ്ധ ഭരത് സംഘത്തിന്‍റെ ആഭിമുക്യത്തില്‍ തിരുവനന്തപുരം,അടൂര്‍, പാരിപ്പള്ളി, ആറ്റിങ്ങല്‍,മേവേലിക്കര,കാസര്‍ഗോഡ്‌, ആലപ്പുഴ, എന്നിവിടങ്ങളില്‍ വിവിധ ആഘോഷപരിപാടികള്‍ സംഘടിപിച്ചിട്ടുണ്ട്.

കൊല്ലം
---------------
അംബേദ്‌കര്‍ മിഷന്‍റെ ബുദ്ധ ധമ്മ സന്ദേശ യാത്ര
----------------

പ്രമുഖ ധമ്മാചാരി കുമ്പഴ ദാമോദരന്‍റെ നേതൃത്വത്തില്‍ കൊല്ലത്ത് വിവിധ പരിപാടികള്‍ സംഘടിപ്പിച്ചിട്ടുണ്ട് രാവിലെ ബുദ്ധധമ്മ സന്ദേശ യാത്ര പുനലൂരില്‍ നിന്നും പുറപ്പെട്ട് കുമ്പഴ ധീക്ഷാഭൂമി, മാവേലിക്കര ബുദ്ധ വിഹാരം, കരുമാടികുട്ടന്‍ ബുദ്ധ വിഹാരം, കരുനാഗപ്പള്ളി എന്നീ ഭാഗങ്ങളിലൂടെ സഞ്ചരിച് വൈകിട്ട് നാലിന് കൊല്ലം പബ്ലിക്‌ ലൈബ്രറി ഹാളില്‍ എത്തിച്ചേരും.തുടര്‍ന്ന് പ്രഭാഷണം ഉള്‍പടെയുള്ള വിവിധ ചടങ്ങുകള്‍ നടക്കും.

പത്തനംതിട്ട
-------------------
ഇന്ത്യന്‍ ബുദ്ധിസ്റ്റ് യുത്ത് ഓര്‍ഗനൈശേഷന്‍
---------------------------------------------------------
ഇന്ത്യന്‍ ബുദ്ധിസ്റ്റ് യൂത്ത് ഓര്‍ഗനെയിശേഷന്‍ ന്‍റെ നേതൃത്വത്തില്‍പത്തനതിട്ട എഴംകുളത്ത് ആഘോഷം നടക്കും

ധമ്മലോകയുടെ ആഘോഷം
അടൂര്‍, അഞ്ചല്‍, കുന്നംകുളം
---------------------------------------------------
ധമ്മലോകയുടെ നേതൃത്വത്തില്‍ ഇവിടങ്ങളില്‍ വിവിധ ചടങ്ങുകള്‍ നടക്കും

ബുദ്ധിസ്റ്റ് കള്‍ച്ചറല്‍ ഫോറം
ത്രിശൂര്‍
------------------------------------
ബുദ്ധിസ്റ്റ് കള്‍ച്ചറല്‍ ഫോറത്തിന്‍റെ ആഭിമുക്യത്തില്‍ ത്രിശൂര്‍ വൈലോപള്ളി ഹാളില്‍ വെച്ച് വൈകിട്ട് 4 ന് ധമ്മ പ്രഭാഷണം സംഘടിപ്പിച്ചിടുണ്ട്.

കേരളമാഹബോധി മിഷന്‍
പാലക്കാട്‌
---------------------------------------------

കേരള മഹാബോധി മിഷന്‍റെ നേതൃത്വത്തില്‍ പാലക്കാട്ട് ധമ്മബോധി ഹാളില്‍ കാലത്തു 10 മണി മുതല്‍ വിവിധ ചടങ്ങുകള്‍ നടക്കും
 ബുദ്ധമത പ്രാര്‍ത്ഥന, ധമ്മ പ്രഭാഷണം, ധമ്മ ക്വിസ്സ്, ധ്യാനം, ചര്‍ച്ച എന്നിവ സംഘടിപ്പിച്ചിട്ടുണ്ട്.
നാഗ്പൂരിലെ ധമ്മാചാരി മണിധമ്മ ചടങ്ങുകള്‍ക്ക് നേതൃത്വം നല്‍കും. വൈകിട്ട് അഞ്ച് മണിക്ക് പാലക്കാട് കൊടുവായൂരിലുള്ള ബുദ്ധ ക്ഷേത്രത്തിലും കേരള മഹാബോധി മിഷന്‍റെ നേതൃത്വത്തില്‍ ചടങ്ങുകള്‍ സംഘടിപ്പിച്ചിട്ടുണ്ട്.
മിതവാദി സി.കൃഷ്ണന്‍ സ്മാരക ട്രസ്റ്റ്‌ , ബുദ്ധ കമ്മ്യുന്‍
കോഴിക്കോട്
-----------------------------------------------------------------------------------

ബീച്ച് റോഡിലുള്ള മിതവാദി സി.കൃഷ്ണന്‍ സ്മാരക ട്രസ്റ്റ് ന്‍റെ നേതൃത്വത്തില്‍ ഇവിടെയുള്ള ബോധിവൃക്ഷ ചുവട്ടില്‍ കാലത്ത് 10ന് ധമ്മ പ്രാര്‍ത്ഥന നടക്കും. എഴുത്തുകാരനും ധമ്മ പ്രചാരകനുമായ ഡോ. സുഗതന്‍ നേതൃത്വം നല്‍കും.വൈകിട്ട് 4 ന് ഇവിടെയുള്ള ചവറ കോണ്‍ഫ്രന്‍സ് ഹാളില്‍ പ്രഭാഷണവും സംഘടിപിച്ചിട്ടുണ്ട്. കൂടാതെ ചെറൂട്ടിറോഡിലുള്ള ബുദ്ധ കമ്യൂണിന്‍റെ നേതൃത്വത്തില്‍ ബുദ്ധിസ്റ്റ് ധ്യാന ചടങ്ങുകള്‍ നടക്കും ഡോ.രാഘേഷ് നേതൃത്വം നല്‍കും.


ബുദ്ധിസ്റ്റ് ധ്യാന കേന്ദ്രം
വയനാട്
---------------------------------

വയാനാട് ബുദ്ധിസ്റ്റ് ധ്യാന കേന്ദ്രത്തിന്‍റെ നേതൃത്വത്തില്‍ ബുദ്ധ പൂര്‍ണ്ണിമ ആഘോഷിക്കും. ധ്യാനം, വിവിധ ചടങ്ങുകള്‍ നടക്കും. ട്രസ്റ്റ്‌ പ്രസി. ഡോ.സുരേന്ദ്രന്‍ നേതൃത്വം നല്‍കും.

കാസര്‍ഗോഡ്‌
പ്രബുദ്ധ ഭാരത് സംഘത്തിന്‍റെ ആഘോഷം
---------------------------------------------------------------
കാസര്‍ഗോഡ്‌- കാഞ്ഞങ്ങാട്ട് പ്രബുദ്ധ ഭാരത്‌ സംഘത്തിന്‍റെ നേതൃത്വത്തില്‍  കാലത്ത്മുതല്‍ ധമ്മ പ്രഭാഷണം, ധ്യാനം, ധമ്മ പ്രാര്‍ത്ഥന എന്നിവ സംഘടിപ്പിച്ചിടുണ്ട്. ധമ്മാചാരി ലക്ഷ്മണ നേതൃത്വം നല്‍കും.

Tuesday, April 26, 2016

VIipasana meditation for SAMMA SAMAADHI




സന്തോഷം, സമാധാനം
ധ്യാനംകൊണ്ട് ഉണ്ടാകേണ്ടുന്ന മാനസിക സിദ്ധാന്തം;
അതിനാല്‍ ബുദ്ധിസ്റ്റുകള്‍
വിപസന ധ്യാനം പരിശീലിക്കുന്നു
===============================

സമ്മാ സമാധി-സമ്യക് സമാധി-
ശരിയായ ഏകാഗ്രത- ധ്യാനം.
----------------------------------------------------


മനസ്സ് പതറാതെ ഇവിടെയും സാമാന്യമായ ഒരു പ്രവര്‍ത്തിയെ പരിഷ്കരിച്ച് എടുക്കാനാണ് ഭഗവാന്‍ ബുദ്ധന്‍റെ ഉപദേശം.
ഇവ സഫലമാകണമെങ്കില്‍ എല്ലാ പ്രവര്‍ത്തികളും ഏകാഗ്രതയോടെ നിര്‍വ്വഹിക്കണം.ശരിയായ മാര്‍ഗ്ഗം അവലംബിക്കുന്ന ഒരാള്‍ക്ക്‌ കര്‍ത്തവ്യം ഒന്നേയുള്ളൂ.ദുഃഖനിരോധം. അതിനു പറ്റിയ എകാഗ്രതയാണ് സമ്പാദിക്കേണ്ടത്.
ജീവിത രഹസ്യങ്ങളെകുറിച്ചുള്ള അഗാതവും എകാഗ്രവുമായ ചിന്തയും ധ്യാനവുംകൊണ്ടേ പുതിയ വെളിച്ചവും തുടര്‍ന്ന് ശാന്തിയും സമാധാനവും ഉദിക്കുകയുള്ളു.അതായത് ഏകാഗ്രത ധ്യാനംകൊണ്ട് ഉണ്ടാകേണ്ടുന്ന മാനസികമായ ഒരു സിദ്ധാന്തമാണെന്ന് സാരം.
1.ശരിയായ ബോധം
2.ഉല്‍കൃഷ്ടമായ ചിന്ത
3.ശരിയായ വാക്ക്
4.ശരിയായ കര്‍മ്മം
5.ശരിയായ ജീവിതമാര്‍ഗ്ഗം
6.ശരിയായ വ്യായാമം
7.ശരിയായ സ്മൃതി
8.ശരിയായ ധ്യാനം


ഈ എട്ടു മാര്‍ഗ്ഗങ്ങള്‍ ചേര്‍ന്നാല്‍ ദുഃഖം ഇല്ലായ്മ ചെയ്യാനുള്ള അഷ്ടാംഗമാര്‍ഗ്ഗങ്ങള്‍ തയ്യാറായി.അതില്‍കൂടി നടക്കുക, എട്ടു ഘടകങ്ങളും സ്വീകരിച്ച് ജീവിതത്തില്‍ പ്രയോഗിക്കുക.അങ്ങിനെ ചെയ്താല്‍ ജീവിത ലക്ഷ്യമായ നിര്‍വ്വാണത്തില്‍ ചെന്ന് ചേരുകയായി.ശരിയായ ജീവിതത്തിന്‍റെ നിസ്തുലമായ ഈ പ്രഭാവം അനുഭവിച്ച് അറിഞ്ഞതുകൊണ്ടായിരിക്കണം ധമ്മപദത്തില്‍ മാര്‍ഗ്ഗങ്ങളില്‍ ഉത്തമം അഷ്ടാംഗമാര്‍ഗ്ഗം എന്ന് സ്തുതിക്കപെട്ടിട്ടുള്ളത്.

“വാക്കുകള്‍ സൂക്ഷിച്ച് പ്രയോഗിക്കുക
മനസ്സ് വേണ്ടതുപോലെ നിയന്ത്രിക്കുക
ശാരീരികമായ പാപകര്‍മ്മങ്ങള്‍ നിശ്ശേഷം ഒഴിവാക്കുക
ഇത്തരത്തില്‍ മൂന്നു കര്‍മ്മ സാധനകളും ശുദ്ധിചെയ്യണം”.


ഇങ്ങിനെ ചെയ്തുകൊണ്ട് ബുദ്ധധമ്മ വിശ്വാസികള്‍ ഭഗവാന്‍ ബുദ്ധന്‍ ഉപദേശിച്ച മാര്‍ഗ്ഗം ശരണമായി ആശ്രയിക്കുന്നു.

ഹരിദാസ്‌ ബോധ്